میں یہاں تعلیم کے خلاف نہیں ہوں ہرگز نہیں اس سوچ کے خلاف ہوں جو ہمارے معاشرے میں صدیوں سے پروان چڑھ رہی ہے وہ سوچ یہ کہ اچھی تعلیم کا مطلب اچھی کمائی یا ذریعہ معاش ہے ۔تعلیم ضرور حاصل کریں اور یقینا اچھی نوکری بھی مل جائے گی لیکن اس سے امیر بننا یا تعلیم کو ذریعہ رزق سمجھنا چھوڑ دیجئے ۔اور یوں آپ آگے کی آنے والی مشکلوں سے نا امید نہیں ہوں گے امیر اور غریب دونوں کو پیسہ کمانے کی دھن ہوتی ہے لیکن پیسے کے بارے دونوں کے نقطہ نظر میں بہت فرق ہوتا ہے۔
غریب باپ کہتا ہے پیسے کا پیار سب برائیوں کی جڑ ہے
امیر کہتا ہے پیسے کی کمی سب برائیوں کی جڑ ہے
امیر کے امیر تر اور غریب کے قریب تر ہونے اور درمیانے طبقے کا قرض تلے دب جانا بہت ساری وجوہات کی وجہ پیسہ ہے۔ سب سے اہم وجہ یہ ہے کہ پیسے کے بارے میں تعلیم کے دوران ہمیں بتایا ہی نہیں جاتا یا بہت کم بتایا جاتا ہے اس کے بارے میں جو تھوڑا بہت ہم جانتے ہیں وہ اپنے گھروں سے سیکھتے ہیں سکولوں میں ہمیں بھاری مضامین پڑھائے جاتے ہیں جبکہ پیسے کا کوئی مضمون نہیں پڑھایا جاتا۔ یہی وجہ ہے کہ ہم حقیقی زندگی میں بہت سی مشکلات کا سامنا کرتے ہیں۔ تحریر کے شروع میں بات کی تھی کہ آپ کا سوچنے کا انداز ہی آپ کو امیر یا غریب بنا دے گا ہمارے معاشرے میں ایک باپ اپنی اولاد سے کہتا ہے میں یہ چیزیں خریدنے کی طاقت نہیں رکھتا دوسرا کہتا ہے کہ میں کس طرح اسے خرید نے کے قابل ہوں گا۔
میں خریدنے کی طاقت نہیں رکھتا یہ سوچ آپ کے ذہن کووہاں روک دیتی ہے جب آپ یہ سوال کرتے ہیں کہ میں کیسے خریدوں گا تو آپ کا ذہن کام میں لگ جاتا ہے ایک باپ کہتا ہے میری تنگی کی وجہ میرے بچے ہیں دوسرا کہتا اچھا ہر صورت دولت کمانی ہے کیونکہ میرے بچے ہیں۔ یہ کہتا جب پیسے کا معاملہ ہو تو بہت احتیاط کرو خطرات مول نہ لو۔ دوسرا کہتا ہے خطرات سے کھیلو۔