ہوا کی طاقت بھی پائیدار ہے، لیکن ٹربائن کی حد ہوتی ہے جب تک کہ وہ موسم سے محفوظ نہ ہوں۔ 2021 میں ٹیکساس میں برفانی اسپیل کے دوران منجمد ٹربائنوں کے بارے میں تنازع کھڑا ہوا جو گیس اور کوئلے کے پاور اسٹیشنوں کو بلیک آؤٹ کرنے  کا باعث بنا۔ مناسب طریقے سے موسم سرما میں گرم ٹربائنیں برف  کو جمنے سے روک سکتی ہیں، یعنی ونڈ فارمز آرکٹک حالات میں کام کر سکتے ہیں۔

ہوا کی توانائی نے 2021 میں امریکہ کی کل بجلی کی پیداوار کا 12 فیصد فراہم کیا اور یہ حصہ تیزی سے بڑھ رہا ہے۔سمندر کے کنارے اور آف شور ونڈ فارمز کو تیز ہوا کی رفتار سے نمٹنا پڑتا ہے اور ٹربائنز میں ایک خودکار سسٹم ہوتا ہے جہاں ‘فیدر’ انہیں تیز جھونکوں سے بچاتے ہیں۔

سمندر میں تیز ہوا کے باوجود، ٹربائنوں کا ٹوٹنا غیر معمولی بات ہے اور ان کی عمر 20-25 سال ہوتی ہے۔ ایک مطالعہ سے پتہ چلتا ہے کہ 10 میں سے ایک سے بھی کم امکان ہے کہ طوفان والے علاقوں میں 10 فیصد آف شور ٹربائنز 20 سالوں میں سمندری طوفانوں سے تباہ ہو جائیں۔

جاپانی نئی عمودی محور ٹربائنیں بنا رہے ہیں جو طوفانوں کے دوران  بھی کام کرتی رہیں اور  جنہیں چلانے میں کم لاگت آتی ہو۔ جبکہ تحقیق سے پتہ چلتا ہے کہ سمندری ہوا کے فارم سمندری طوفان کی ہواؤں کو ساحل تک پہنچنے سے پہلے ہی قابو کر سکتے ہیں۔