جس طرح حضرت علیؓ کو مختلف   غزوات میں جراّت و بہادری کے بے مثال کارناموں پر (شیر خدا ) اور اسدالله الغالب جیسے خطاب سے نوازا گیا۔

 اسی طرح اسلامی جمہوریہ پاکستان میں ایسے افراد کو جنہوں نے اس  مملکت کے لیے کوئی کارنامہ سرانجام دیا ایسے کسی نہ کسی صورت میں انعام والقابات سے نوازا جاتا ہے ۔

 نشان حیدر پاکستان کا سب سے بڑا فوجی اعزاز ہے جس کے بعد بالترتیب ہلال جراّت ،ستارہّ جراّت، اور تمغہّ جراّت کا نمبر آتا ہے  شیر خدا حضرت علی  المرتضَی حیدر کرار کے نام کی نسبت سے اس کا نام نشان حیدر رکھا گیاہے 

 یہ اعزاز مسلح افواج کے ان جوانوں کو دیا جاتا ہے جو انتہائی پر خطرحالات میں بہادری کا بہت بڑا کارنامہ یا غیر معمولی جرات دکھاتے ہیں اور زمین پر سمندر میں یا فضا میں دشمن سے  نبردآزما  ہوتے ہوئے  ایثار  وقر بانی، فرض شناسی دجوانمردی ،جراّت وقیادت ،اور  حب الوطنی کا مظاہرہ کرتے ہیں اور نہ صرف وہ اپنے ملک و قوم کا نام روشن کرتے ہیں بلکہ اپنی جان کا نذرانہ دیتے ہوئے تاریخ کے صفحات میں حیات دوام پاتے ہیں۔